Die Alten kommen!

von Konrad Beikircher

Foto © Frank Becker
Die Alten kommen!
 
Die Alten kommen! Hück es quasi fass jeder Dritte övver 60, en e paar Johr sin et vielleicht schon 65. Un all die Statistiker un Politiker sin am stöhne un kühme, weil: wie sollen mir dann dat ale Jesocks am lewwe hale? Wer bezahlt dat dann? Un esu wigger. Kann ich nur sage: Kinder, lot Üch doch net die Pläät jeck mache! Weil: künnt Ihr Üch vürstelle, wat in denne Heime los sin weed, wenn mir aale '68er do intrecke? WUNDERBAR! Endlich die aale Dräum verwerkliche, für die man om "Marsch durch die Institutionen" als '68er Linker keen Zick (oder kei Röckgrat!) jehat hat. Wie dat ussin weed? Hier:
1. Fritz Teufel, Rainer Langhans un Uschi Obermeier jründen die "Senioren-Kommune 1" janz schick in München. Un et Uschi poseet at widde nohm Motto: "Wer zweimal mit demselben pennt, gehört schon zum Establishment!".
2. In jedem Heim jehürt en 1a Stereo-Anlage zur Jrundausstattung. Un dann: volle Pulle met Jimi Hendrix un Rolling Stones, ewwer hallo! Oskar Lafontaine weed widde zum "street fighting man", wie hä et domols wor, un nit zum weichjespülten sozialistischen Kuschelbär för et Sahra Wagenknecht, un dat Wieczorek-Zeul (die "rote Heidi" von domols) feiert als "Foxy Lady" einsame Triumphe. Un en jedem Heim weed avjerock dat et en Freud es.
3. In den Heimen es Besuchsverbot für Kinder (weil: woren domols die Eltern, so sin hück die Kinder die eijentlichen Verräter der Refolution, ne!) un överall steiht:"Trau keinem unter sechzig!".
4. Und weil man en dem Alter kei Angst mieh vür nix ze han bruch, kann man endlich "Zur Sache, Schätzchen!" kumme. Es dat net wunderbar? Endlich all dat don, wat man sich vierzig Johr net jetraut hät! Wenn dat net herrliche Aussichten sin! Also dann: An alle '68er: heute schon die Plätze für morgen bestellen! Rock on! Da doo ron ron ron, da doo ron ron!
 
In diesem Sinne
Ihr/Euer
Konrad Beikircher
 


© 2012 Konrad Beikircher für die Musenblätter - Redaktion: Frank Becker