Ballermann - hie simmer unger uns!

von Konrad Beikircher

Foto © Frank Becker
Ballermann - hie simmer unger uns!

Mallorca! Ballermann! Suuper! Es dat nit schön, wie mir Deutsche do danze, uns freue un drinke? Don mir dä Eime Sangria, Kathrinche, un mir zeije de Lück, dat dat Volk der Denker och anders kann! „Bumm bumm in El Arenal“, dat es Urlaub wie hä sin soll: kei Streß un nix...Wo sin dann ming Zarette? Hey, wer hät dann ming Zarette jekläut? Kumm, kumm, he domet oder et knallt!...Wie jesagt, Ballermann: Urlaub vum Feinsten: Musik un Danz...luurens de Aal do hinge om Desch, du leven Jott, met dä Fijur dät ich noch netens op Krötenwanderung jon..Pepe, noch eine Eime Sangria, für dat Minsch ze verjesse...He em Ballermann es dr Minsch noch Minsch! Un: mir sin unger uns! Kei Thommies, kei Fischköpp, kei Spajettis, kei belgische Frittefresser un kei Kanaken. Dat es dat Schönste am Ballermann: mr sin nit ze Hus un doch simmer mieh unger uns als wie do! Einmalig! Un övverhaupts, em Ballermann... blblblblblblbl...wat es dat dann? Jetz hät mir dat Minsch vom Desch do hinge sing 105 cm Oberweite öm de Uhre jehaue!...dat es Levve! Wigger esu, Mädche, un ich jon met Dir nohm ‘Feuchtbiotop’!...Un wenn do einer am Schänge es, von wäje nur suffe un amore oder wat: dat es Quatsch. Weil: he em Ballermann süht dr Ausländer, dat mr vür denne Deutsche kei Angs mieh ze han bruch! Musik, Sangria un Titten, un dr Deutsche es dr harmloseste Minsch dr Welt. Mallorca fest in Deutscher Hand, Ausländer raus! un dä Urlaub es jeritz! ...Pepe, Zarette un eine Eime Sangria!...un wenn eine mööd es un schlofe mööt: eifach noh hinge en dr Sand jerollt, ei Ründche jepoof un wigger jeiht et. Weil: wenn he nüß kann, dr Deutsche, schlapp mache dät he nit. „Bumm bumm in El Arenal“ - 
un wie freue mr uns all op ze Hus! Weil: jäje dat he es et ze Hus die reinste Erholung!

In diesem Sinne
Ihr
Konrad Beikircher
 
 
 © Konrad Beikircher - Redaktion: Frank Becker