august haikus
wou bleibd dä reeng?
di sunnä kennd ka erbarmä
dä himml brennd
des gezirb in dä heggn
des is ka dinnidus
des is es gräine heubferd
wenns nachd werd
schwärmä wäi aff amall
alle fledämeis aus
wäi kummd deä schnegg
midsamd seim schneggnheislä
affn diisch dou nauf?
kaum zu glaum:
bis edz houd mi fei nu
ka aanzichä webs gschdochn
bläihä di rosn nu ämall
oddä bläihäs nimmä?
iich wadd
endli widdä reeng
iich hald mei händ naus
fang reengdrobfm auf
fitzgerald kusz
|
august haikus
von Fitzgerald Kusz
Literatur
14.09.24
