Opstonn? Nä!

von Konrad Beikircher

Foto © Frank Becker
Opstonn? Nä!
 
Et jitt Daach, also ich weiß et net. Hück morje och. Ich lieje em Bett und sin noch am övverläje: sollste opston oder net, och jo, kumm, bes keine Feigling, also erus us de Feddere. Un wie ich esu langsam am wach weede sin, wor et do. Ich gucke esu ussem Finster, obwohl, ich meine, amfürsich wollt ich gar net erausjeguckt haben, ewwer willse maache. Do sät ming Frau für mich: "Also wenn man esu ussem Finster luurt, hät man kei Luß mieh für ussem Finster ze luure, dat es ewwer och, also ich weiß et net, jestern och, ne, do wor dat jo datselbe Spill, hatt ich jestern für die Frau Dingenskirchen, wat früher die Heißmangel op dä Friesdorfer Stroß jehat hat, hatt ich für die och jesaat: Nee, Frau Dingenskirchen, dat es ewwer och, sät die: Jo, do sage Sie jet, man hätt kei Luß mieh für ussem Finster ze luure, ne, ming Enkelchen och, ne, die sin jo nur noch dran am quengele, nur am quengele, ne, dä janze Daach, et es furchtbar es dat jo, un ich: Dat es kei Wunder, Frau Dingenskirchen, ei Blick ussem Finster un dä Daach es jelaufe, esu süht et us, un jetz och at widde, also ich weiß et net, am besten bliev mer em Bett, Finster zo, Vürhäng zo und av noh Schnarchheim". Un et stimmp jo och. Ich sage et jo: ei Blick ussem Finster un avhake. Andererseits: es och schön. Dat es jenau et richtije Wetter für em Keller ze krome oder dä Schrievdesch jet opzerüme, luurens do, ene Bref vum Tant Jechtrud, könnt man och endlich zoröckschrieve, also dann: Lommer us demm ieskalte Drisswetter et beste maache!
 
 
In diesem Sinne
Ihr
Konrad Beikircher
 
 


© 2012 Konrad Beikircher für die Musenblätter - Redaktion: Frank Becker