Mein jeliebtes Liebelein, lev Schnuckiputzi!
Hück schrieven ich Dir ene Brief, weil ich esu erleichtert sin övver dat, wat amerikanische Forscher erusjefunge han, dat nämlich fremdjon jenetisch es, also quasi em Chromosom drin un dat ich also nix dovür kann. Mein jeliebtes Liebelein, es dat net schön? Wat häs Du Dir in all den Jahren immer wieder die Augen ussem Kopp jeheult un Dich anjestrengk, met dem Naaksjescherr minge Kopp esu richtig ze treffe! Für nix, Liebelein! Weil: och wenn Du mich jetroffe häs, et wör ömesöns jewest. Un ich jo och, ne: wat hät man sich do ene Kopp drövver jemaat von wejen Jewissen und dat dat net eruskumme darf, wenn man do die ein- zweimol die Woch woanders am schwetze es. Weil: et es jo net immer schön - wenn em Beichtstuhl die ierschte Froge es: "Sarens, wie oft wor et dann dies Woch?!". Un dat, jeliebtes Liebelein, muß man ja auch mal sehen. Dat dat nämich nicht immer leicht es, singem Chromosom Folje ze leiste, ne. Jo meinst Du dann, ich dät net oft leever zu Hus sin? In dingem Ärm, Fläsch Bier am Hals un et es schön? Ohne "Schwetzerei"? Met enem "Naach Liebelein" einfach esu inschloofe? Wie oft han ich mir dat jewünsch! Ewwer Du immer met dingem Naaksjescherr! Un dodrum drieht et sich jetzt in dem Brief do, jeliebtes Liebelein: Wenn ich dieser Tage wieder mingem Chromosom folgen muß - un ming Chromosom hät sich justamengk et Jechtrud vun dr Weetschaf andr Eck usjesöök, ich weiß och net, warum! - dann tue mal dadran denken, dat ich do nix für kann. Wat dä Körper bruch, dat kritt hä. Weil: et wör jo jejen die Natur, ne, wenn man jejen singe Körper levve dät. Un dann wör noch mieh ze bichte! Un: falls ich morjen ovends zu Hus sein sollte, don mir doch e schön lecker Hämche, du kochs esu jot! Weil: met esu vill Chromosom em Balg han ich Hunger wie e Dier!
Jeliebtes Liebelein: in diesem Sinne
Dinge Konrad
© 2011 Konrad Beikircher für die Musenblätter - Redaktion: Frank Becker |
Chromosomen
von Konrad Beikircher
Das Feuilleton
29.11.11
