Götterdämmerung in der FDP?

von Konrad Beikircher

Foto © Frank Becker
Götterdämmerung in der FDP?
 
Jötterdämmerung in der FDP? Also do muß ich jo sage, dat dät jo zemindstens Jötter voraussetzen, ne. Alsdo en dr FDP es et am brodele. Kann ich nur sage: wunderbar. Endlich! En dr FDP es also jetz die Refolution anjesat. Die sojenannte "Junge" wolle sich nit mieh vun denne "Aale" erömkommandeere losse. Ach du leven Jott. Jetz Plötzlich! Ewwer esu lang als wies de "Aale" dofür jesorgt han, dat die Junge schnell Karriere maache künne, esu nohm Motto: vür zwei Johr noch netens en dr Partei un hück al Minsiter oder Europa-Abjeordneter, wat jo nur bei dr FDP möchlich es (hück vielleicht auch bei denne neue Pirate), esu lang wor dat natürlich en Ordnung. Also wenn sie mich froge: do kann ich nur laache. Trittbrettfahrer sät mer dodofür, wenn einer eine andere benutz, so lang die Fahrt noh bovve jeiht, un wenn hä ömsattelt, sobald hä e neu Trittbrett süht. Un dodofür wor jo die Partei immer schon berühmt. Un dat wor bei denne hück Aale früher jo och net anders. Wat hät dä Westerwell jrabe müsse, um nach dem Jenscher överhaupt e Jesicht zu krieje, und wat hät dä Jenscher damols met die Uhre wedele müsse, bes dat hä endlich ussem Schatten vum Scheel jetrodde kohm. Un dä wor jo och nur ene möde Avklatsch vun denne wirklich jroße Liberale wie dä Thomas Dehler zum Beispiel. nee, nee. Wenn ich sin, wat us dr liberalen Idee un dr aale FDP (ohne Zusatz „Die Lieberalen“) jewoode es, kann ich nur sage: schad drum. Et es offensichtlich esu, dat in uns Zick em Moment dat werklich Liberale keine Platz mieh hät. Lev Karrieriste en dr FDP, ich dät esu sage: ühr Partei es sowatt von em Siechtum bejriffe, am Schwadronör Westerwelle und an denne Doktorhut-Schwindler auf und davon Guttenberg und Blondchen Koch-Mehrin süht mer et jo „explizitt“ – un jetz leje sich ühre Jernegroße auch noch met der derzeitijen Jeliebten, der CDU, vor allem dem kleinen Broder CSU an. Da dät ich janz schnell als widder et Päd wessele. Einer, dä dat Format hät, us dem Haufen von Empfehlungsschreibern e neu Partei ze formeere, dä es nemlich net in Sicht. Ewwer schad es et trotzdemm, dat unsereins zur F.D.P. praktisch nur sage kann: kenne mer net, bruche mer net, fott domet. Oder?

In diesem Sinne
Ihr
Konrad Beikircher



© 2011 Konrad Beikircher für die Musenblätter - Redaktion: Frank Becker