Jet zum fiere

Gedanken zum 3. Oktober

von Konrad Beikircher

Foto © Frank Becker
Jet zum fiere
 
Manchmol es et janz interessant, wenn man sich frägt: "Wat hammer dann hück eijentlich für ene Hillije?". 3. Oktober zum Beispiel, do sin die Hillijen Ewaldi für zuständig. Dat woren zwei Bröder, dä een schwazze Hoor, dä andere wieße, die domols irjendswie övver die Mauer noh Sachsen jejangen sin, um do die Heiden ze bekehren. Esu quasi als Art Wiedervereinijung em Jlauben. Jetzt wor dä Sachse domols ewwer - em Ungerschied ze hück - janz fies drop: hä wollt sich dat net jefalle losse. Un wat wor? Flück zwei Keulen jeschnitz un: paff! wor dä Sachse feedich mit denne zwei Bröder. Einfach esu. Un dat wat üvverich wor von denne Ewaldi-Bröder es dann noh Kölle jekumme. Noh St. Kunibert. UN DO SOLLEN MIR JETZT DÄ 3. OKTOBER FIERE ALS WIES WENNS NIX JEWÄS WÖR? Also ich weiß et net! Ich meine: jot, Fierdaach es Fierdaach! Do bruch man net lang nohzefrore, don mir noch e Kölsch, un dä Fall hätt sich. Insofern es dat Rheinland absolut solidarisch met dem Eindschie un singem Kabinett, besonders weil dä 3. Oktober dies Johr op ene Mettwoch fällt und keiner zum arbigge muß. Ewwer ejal. Nur: wenn dä Mord an denne Ewaldi-Bröder schon zum Nationalfierdaach jewode es, hätt ich noch e paar Ideen. 10. Oktober: Gereon bezahlt die Erfindung des Bierdeckels mit singem Lewwe. 21. Oktober: Ursula gründet die wieße Flotte als feministisches Unternehmen, scheitert ewwer an der männlichen Konkurrenz. 14. November: Agrippina jeiht vun Kölle noh Rom un führt do dä Karneval ein. Mit Pechfackeln un pipapo. Un dä Nero, ihr Sohn, es Karnevalsprinz. 7. Dezember: 40 Millionen Johr Kölner Bucht, eijenhändig usjebaggert vum Ant. Werpes, domols Präsident vum Karnevals Verein "De jecke Neandertaler". Dat wören us dä la mäng schon emol vier Daach, wo man fiere künnt. Es doch jet, oder?! Wat dat mit dem 3. Oktober un dä Wiedervereinijung ze don hätt? Nix. Ewwer dat es jo och ejal, ne. Oder denken Sie an die deutsche Einheit, wenn Sie morje eene Strich nohm anderen op dr Deckel krieje?
 
Na also, in diesem Sinne
Ihr
Konrad Beikircher



© Konrad Beikircher - Redaktion: Frank Becker