Force d’attrappe

von Konrad Beikircher

Foto © Frank Becker
Force d´attrappe


Liebe Leser
,
 
als ich vor nahezu 15 Jahren diesen Kommentar hier zur Politik des damaligen Verteidigungsministers Volker Rühe schrieb, ahnte ich nicht, daß unsere Verteidigungsminister zu Kriegsministern werden würden. Wenn wir nicht höllisch aufpassen, tummeln sich bald wieder deutsche Soldaten neben dem unseligen Afghanistan auf allen anderen Schlachtfeldern der Welt, bevor sie in Leichsäcken ihren Frauen und Müttern nach Hause gebracht werden.
 
„Ich weiß et nit: wat habt Ihr dann all jäje dä Volker Rühe? Bloß weil dä sät, dat die neue Fliejer 90 Millionen et Stück koste däte, wo doch jeder weiß, dat do locker et Doppelte vom Konto jeiht? Kinder, dodrum drieht et sich jo nit! Dat es doch en dr Politik normal. Dä Kohl hät jo domols och jesat, dat mir de Täterää quasi zum Einkaufspreis krieje däte. Un? Hät dat jestimmp? Na also. Beim Rühe jeiht et öm vill mieh. Die Opposition meint, 90 Millionen wör nur dä Fliejer, für Computer un Waffen mööt mr ewwer nochens 90 Millionen dropläje. Nur, dä Rühe will övverhaupts kei Waffen em Fliejer. Weil: dä Rühe es dä ierzte Verteidigungsminister, dä erkannt hät: don, als wie wenn, reicht och! En demm Somalia do unge hammer jedon, als wie wenn mr helfe däte - hät jereicht. Beim Jugo hammer esu jedon, als wie wenn mr helfe däte - hät och quasi jereicht. Wat solle mir also jetzt düüre Waffe koofe, wenn et Attrappe och don? Uns Luffwaffe als „Force d’attrappe“! Super! Dat es aktive Friedenspolitik. Endlich nimmt eine dat Prinzip vum Pappkameraden ernst. Weil: wenn mir uns suwiesu schon nit jetraue, in Kriegsjebieten schlichtend inzejreife oder ze helfe, dann dät et och eine Fliejer ohne Waffen. Un wenn die UNO, dä Ami oder dä Franzus kumme un militärische Hilfe für esu ei Krisenjebiet han wolle, könne mir met jotem Jewissen sage: „Jään, immer, nur: mir han kei Waffe!“. Un, Hand op et Hätz, dä Rühe hät jo rääch: en dr Heimat es et och schöner als wie do unge en Bosnien, Somalia, Rwanda oder wo och immer. Also: Rühe, loß Dr de Plaat nit jeck maache vun dr Opposition. 90 Millionen es zwar och vill Jeld, ewwer wenn uns Soldaten dann immer ze Hus blieve künne..."
 
In diesem Sinne
Ihr
Konrad Beikircher


© Konrad Beikircher - Redaktion: Frank Becker