Aschermittwoch

von Konrad Beikircher

Foto © Frank Becker
Aschermittwoch
 
Geht’s Ihnen auch so? Fasten seit dem Aschermittwoch? War früher Fasten eine religiöse Angelegenheit, so ist es heute eine ‘Life-Style’ - Geschichte geworden. So treffen sich die abendländischen Moden doch wieder am Kalvarienberg. Un kaum sin mer us der Fasteleers-Zick erus, weed jefastet, wat dat Zeuch hält. Also ich fasten esu, dat ich vür lauter fasten bal nit mieh kann. Morjens ei Jläsche Rollmöps (Übersetzung für Düsseldorfer: ei Döschen Kafiar dät et och). Middachs fein Krabben-Salätchen un jet Feld-schloot dabei, dann Seelachs en enem Mostrich-Sößchen (Düsseldorf: ei halv Hümmerchen), jot: paar Ädäppelcher dürfe och mit erein, un für die Verdauung 4 cl klares Wässerchen (Himbeer oder Wacholder, für Fegetarier dürfen et och ein zwei Körnchen sin). Nomedachs nix. Ovends jet Feschzupp (für Düsseldorf: Bouillabaisse à la Neandertalaise) un Rievkooche med Röbekruck. Un dann av nohm jemeinsame Faste beim (Ruse)-Kranz Kölsch. Jed Stang e Stußjebett.
 
Wie dä aale Wilhelm Busch jeschriwwe hät: „Keinen Tropfen Wasser trinkt das Huhn ohne einen Blick zum Himmel auf zu tun“. All esu nohm Motto: Wat soll ich dann bichte jon, wenn am Tresen ich he ston. Un wenn ich vum Wirt om Deckel dä Avlaß jekräje han, av nohm Bett, weil: wer schläft, sündigt nicht. Also ich sin fruh, wenn die anstrengende Fastezick vorbei es. Un ich sin vür meinem jeistijen Auge et Ostermenu: Fleischzupp, Jeflüjelspastet, Hämche un suure Kappes oder wejen mir e fein Lammkeulchen, knusprig braun jebrode un leicht glasiert met enem Hauch Knobloch dodrövver, dat Janze fein op Rosmarin jelegt, et Sößchen op Butter monteet, met Creme fraiche opjemozz un met Thymian avjerundet, e Kleinigkeit rosa Peffer dodrövver un jet Pittersillich-Ääppelcher dabei un...un...’tschuldigung, et es irjendswie övver mich jekumme. Also dann, vill Freud beim Faste!

In diesem Sinne
Ihr
Konrad Beikircher
 

© Konrad Beikircher - Redaktion: Frank Becker