Die schöne Rheinländerin

von Konrad Beikircher

Foto © Frank Becker
Die schöne Rheinländerin
 
Heute möchte ich mal der schönen Rheinländerin ein Loblied singen - einfach wunderbar. Et es jo esu: klar, dat och woanders Frauminsche levve. Ewwer wenn ich mir so all die angere Rejional-Schönheiten ens beluure, also ich weiß et net. Die Schwäbin hät Appelsine em Hoor (ewwer keen Banan an dr Hüft), obwohl dat Zeug do unge gar net wächs. Bei dr Bayerin fehlt nur noch dä Melkschemel, domet man sie vun dr Leitkuh (50 Liter pro Daach!) ungerscheide kann. Die Friesin süht us wie ene wießblonde Mop: jääle Watt-Stibbele un e Muul für die Scholle quer ze esse. Die „kesse Balina Pflanze“ es e Nachtschatte-Jewächs un die „neue Schönheit“ us Meck-Pomm mäht e Jesäch, dat man ständig nohm Tempo-Daschedoch am sööke es. Nur bei uns em Rheinland, do es et anders.
He es et multikulturell un multinational. Et Aische un et Aphroditi, et Sabrina un et Carmen, et Chantal un et Monika, et Mangosia un et Isabellchen: dat sin Name, wo man dreck at süht, dat sich he em Rheinland die Welt begegnet und jot meteneer zerecht kütt. Un dat es, weil - wie ich immer ze sage pflege - he et Mittelmeer es, dä Römer un dä Franzus. In Kölle fehlt nur dä Vesuv, dann hätte mir he Neapel. Un in vollem Ernst sagen ich: Rheinland es kei Landschaff, Rheinland es ene Zustand. Et jitt Lück, die denke un fühle rheinisch un han noch nie dä Kölner Dom jesinn. Wenn sie ewwer hehin kumme, dann sin sie zuhus. Un weil dat esu es, hammer he dat Jemisch un dat bunte Lewwe, wie et dat woanders net jitt. Un deshalb sage ich: loß noh Berlin, Rio oder Pariss, noh München, Kiel oder Hannover (püh!) jon, wer will. Umso besser, dann sin mir he unger uns. Europa es zwesche Düsseldorf un Lützel, Barmen un Aachen. Un dat es jot esu!


In diesem Sinne
 
Ihr
Konrad Beikircher


©  2013 Konrad Beikircher für die Musenblätter
Redaktion: Frank Becker