Foto © Frank Becker 150 Jahre alt ? Darauf haben wir alle gewartet: 150 Jahre alt werden! Super! Ich stelle mir vor: 19. März 2096. Ich liege neben meiner Frau im Bett. „Morje Liebelein, wie isset“ „Och jo, immer’t selbe, ne. Hässe dr Kaffee at opjeschött?“. „Nee, ewwer dat don ich jilich, wenn ich dä Schalter jefunge han“. „Wat für eine Schalter?“. „Vum Bett, für mich noh dr Küch ze fahre“. „Kannse nit loofe?“. „Herrjott, Liebelein, zick 50 Johr nit mieh. Ich weiß noch jenau: dat wor dä 11. September 2046. Do han mir zwei ei Cuba libre jedrunke, am Nordseestrand en Kölle - Nippes, un zickdemm lieje mir em Bett“. „Nee, wat wor dat schön“. „Tja, Liebelein, un hück? Loofe künne mir nit mieh, erusjon och net, zick 50 Johr em Spezialbett, also ich weiß et net!“. „Ewwer mir sin noch am Levve, es doch schön“. „Ich weiß et net“. „Kumm, Liebche, machens et Fernseh an“. Tagesschau: ‘Bundeskanzler Norbert Blüm... „Guckemal, Liebelein, wat der für ei fein Bett hät“. „Jo, dä es jo och zick övver hundert Johr Kanzler, dä kann sich esu jet leiste!“. „Wat ei Jlöck, dat dä domols dat met dr Pflegeversicherung durchjekräje hät“. „Eja, zick 85 Johr kriejen ich Rente! Super! Nur: wat soll ich mir he em Bett für dat Jeld dann schon käufe?“ Tagesschau: ‘Die Rolling Stones starteten gestern zu ihrer Golden Girls Tour... „Guckemal, Liebelein, Mick Jagger!“ „Jo, ewwer luurens: die Stones im Spezialbett op dr Bühn, also ich weiß et net!“ Tagesschau: ’Und nun schalten wir um nach Köln. Sie sehen Peter Millowitsch in seiner Paraderolle als Der Etappenhas... „Och luurens do, dä Pitter, dä hät och ei fein Bettchen, nur wat klein!“ „Klar, Liebelein, dä es jo net allein op dr Bühn. Do müsse jo noch paar Bette Platz han für et Lotti Krekel, dä Jürgen Becker un wie sie all heiße“. „Ewwer es et nit schön? 150 Johr alt?“ Seufzend: „Jo, et es schön“. In diesem Sinne   Ihr Konrad Beikircher ©  2013 Konrad Beikircher für die Musenblätter Redaktion: Frank Becker