Nicht zur Veröffentlichung bestimmt!

von Konrad Beikircher

Foto © Frank Becker
Nicht zur Veröffentlichung bestimmt!
 
Immer am Mondag nohm Frühstück melden ich mich bei de Musenblätter für ze froge: „Wat meint Ihr dann, wat ich für morjen schrieve könnt?“. Normal sage die dann: „Jo, wisse mer net esu jenau, musse gucken“ oder esu. Hück evver han die jesat: „Jo, mir wisse net jenau, obs dat morje övverhaupts erscheint.“ Ich: „Wie: obs dat morje övverhaupts erscheint?“. „Jo, mir han noch dr Urlaub en de Knoche un et sin och noch nit alle widder hier“. Ich: „Super, dann bruchen ich nix ze schrieve, kann ich mir auch ene Lenz maache un mit ming Frau Tässche Kaffe drinke jon, hammer at lang nit mieh jehat!“. „Nix he, Du schrievs“. „Wie: ich schrieven?“. „Jo, weil wenn et erscheint, müsse mir jet han, wat mir bringe künne“. „Jo, es jo jot, un wat wollt Ihr han, wat Ihr bringe könnt?“. „Jo,wisse mer net esu jenau, musse gucken!“. Also alles wie siehe oben. Und da sitz ich dann und denke mir: wat ene Hantier! Schrievse, weed et nit jebrach. Schrievse nit, weed et jebrach. Dat es wie em Levve: es et dir donoh, hät et ze don oder es nit do. Es et dir ewwer esu jet vun övverhaupts nit donoh, dann kütt et an met ‘Liebelein hin’ un ‘Liebelein her’ un du weiß nit mieh in un us. Wat mr hät, dat bruch mr nit, un wat mr söök, dat kritt mr nit. Esu es dat. Frühling es jo och esu ene Fall. Verzweifelt hät mich e jot Fründin jefrog: „Sagens, wo kann ich als berufstätige Frau dä richtije Mann für mich finge?“. Tja, Levche: besse sie am sööke, es keiner do. Luurse ewwer noch netens hin, noh die Mannslück, hässere dovon zehn an jedem Finger. Für öm dat Jlöck jepackt ze krieje, muß mr weggucke. Esu einfach es et. Deshalb schrieven ich dat jetzt für die Musenblätter, Streik hin, Streik her, und schrieven dröwwer: Nicht zur Veröffentlichung bestimmt! Jetzt sin ich ens jespannt, ob dat erscheint!
 

In diesem Sinne
Ihr
Konrad Beikircher
 

©  2013 Konrad Beikircher für die Musenblätter
Redaktion: Frank Becker