E Tännschen please!
Also ich hätt do e paar Vorschläg ze mache, wie dä offezielle rheinische Weihnachtsbaum uszesehe hätt: Düsseldorf un Kölle stonn da e bische in Konkerrenz, wenn Sie wissen, was ich meine. Wie, die han kei Jeld für e Weihnachtsbäumche opzestelle? Domet et trotzdemm klapp, bruche die Sponsore. Kei Problem. Zumol schon en dr Bibel von Sponsoren berichtet weed: die Hl. Drei Könige met dem Stern wore jo vun diverse Einzelhandelsverbände anjeheuert woode, für öm dat Fest der Jeschenke ze sponsere. Un hät jeklapp, wie man weltweit süht. Also los, Sponsore: stifte. Wie dä Weihnachtsbaum ussin soll? Dat es dem Sponsor freijestallt. Un wat dat koß, och.
Also, do wüßt ich jo jet: für Kölle dreck op dr Domplatt e Kölsch-Stang, bovve dat joldene Flügel-Auto, domet sich die Humorlose sich jet ärjere könne. Dromeröm die Verspreche der Politiker, nett in Buchform (die han ja immer vill ze verspreche), dann künne die Fraktione dat unger Weihnachtsschmuck avhake un mittedrin uns Willy Millowitsch om Podest, domet hä uns erhale bliev.
Un für Düsseldorf dät ich sage: e fein Silbertännchen (masseev Silber, es jo klar) opjestallt, bovve drop ei Pelzmütz (Zobel, Nerz oder Ozelötchen), dann Tausende von Kaviarkügelchen opjehange (jedes Kügelchen fein extra: es jet Arbeit, ewwer sicher e schön Bild, ne). Dromeröm paar silberne Hummerscherchen, für dä Kaviar avzeschnigge un dat Janze fein mit echtem Schnee (zweimol am Daach frisch us Norweje) bestäup. Weil: an Weihnachte soll jedem Minsch et Hätz opjon.
Un dat es natürlich vun Stadt ze Stadt verschieden, ne. Also dann: wenn Sie Ihre eijene Baum en dr Stadt opstelle wolle, flück die Stadt anjerofe und Sponsoring anjebote!
In diesem Sinne
Ihr
Konrad Beikircher
© 2014 Konrad Beikircher für die Musenblätter
Redaktion: Frank Becker |
Das Feuilleton
09.12.14
