Et es wie es es

von Konrad Beikircher

Foto © Frank Becker
Et es wie es es
 
(und och noh twintig Johr und
mehr
is et noch jenau esu – nur
die Namen und Orte han jewechselt)
 
Leeve Lück, mr han als widder Wahlkampf. Und da han ich us mingem Schächtelchen mit ahle Kolumnen eine erausjefischt, die mir damols ein diebisches Verjnüjen gemacht hat, als ich sie jeschschrieven han. Die Namen (s.o.) sind jetzt ausjetauscht, die Methoden nit. Und wie damols will ein SPD-Kandidat einen CDU-Aussitz-Kanzler (jetz isset ene Kanzlerin) vom Thron stoßen. Ewwer ob dat Jetröte von dem Steinbrück reicht, um die „Sphinx von Templin“ zu vertrieve? Ich weiß et nit.
Ewwer zurück zum Erinnern: so war dat seinerzeit:
 
„Die Killer-Raupen im Siebengebirge! Jetz es et esu wigg! Hück weed dä Drachenfels zojesch... un morje dä Kölner Dom. Also dann: Dür zo, Finster zo un dä Kamin avjedicht? Nee, nee, nur kei Panik, lev Lück. Die Killer-Raupen jon nämlich net op et Konto „nature strikes back“, sondern eher op „5. Kolonne“! Dat es nämlich esu:
Woher kumme die Raupe? Us Rheinland - Pfalz. Wer es do dä Chef? Dä Scharping (övvrijens: ich kenn Kopping un Buchping; wat es ewwer Scharping?). Wat will dä Scharping weede? Bundeskanzler. Un wat fresse die Killer - Raupen am leevste? Kohl. Dä! Do hammer et! Die Killer - Raupen sin quasi biologischer Wahlkampf op ökologischer Basis, weil: et sin jo Raupen. Also reine Natur, ne. Un dat kohm esu: dä Scharping hät jo jäje et rude Heidi un dä Schröder jewonne. Die han natürlich ene Hals von he bis Muffendorf. Un do hät sich dä Scharping vum Rotlicht-Napoleon berode losse. Un dä hät jesaat:
ad 1: Du muß et Fußvollek mobeleseere un en Hausmacht han, und
ad 2: Kohl kann man nur mit natürlichen Waffen bekämpfen.
Dä Scharping also nohm bayerischen Wald jefahre un hät sich do, em biologischen Waffen-Depot vun dr CSU, e Schächtelche Killer-Raupen jepflöck. Un in Rhöndorf hät he die Raupe loofe losse. Un jetz marscheere die Biester stramm op Bonn zo. Ich sin ens jespannt, wie dat Spill usjeiht. Eins es jedenfalls sicher: met esu en Wahlkampf-Methode es dem Scharping dä Applaus vun denne Jröne absolut sicher. Nur: ob dat für Bundeskanzler ze weede reicht? Ich weiß et net.“
 
Wie jesacht: dat wohr vor twintig Johr. Und wie isset hück?
Lasse mr uns överrasche.
 
In diesem Sinne!
Ihr
Konrad Beikircher



 
©  2013 Konrad Beikircher für die Musenblätter
Redaktion: Frank Becker